Ban Ki Mun denoncon përdorimin e tepruar të forcës në operacionet ushtarake izraeliane
në Gaza.
(14.1.2009 RV) Para luftimeve të pandërprera në Gaza e raketave të hedhura
sot nga Libani mbi Izraelin, Sekretari i përgjithshëm i OKB-së nga Egjipti u shpreh
me fjalë të ashpra ndaj Izraelit, ndërsa numri i viktimave palestineze i është afruar
1000-shit. Ban Ki Mun gjenden në Kajro ku është takuar me ministrin e jashtëm dhe
presidentin egjiptian Mubarak për tentuar gjetjen e një rrugëdalje nga kriza izraelito-palestineze. Ban
Ki-Mun kujtoi se Kombet e Bashkuara “ kanë deklaruar në mënyrë të qartë se palët në
luftë duhet të pranojnë rezolutën e Këshillit të sigurimit, e këndej të ndalin armët
menjëher. Ban Ki Mun uroj që nisma egjiptiane për zgjidhjen e krizës të sjell rezultate
pozitive sa më parë të jetë e mundur. Pas Kajros, në program të Sekretarit të
përgjithshëm të OKB-së është vizita në Jordani, Izrael e Siri. Janë përjashtuar kontaktet
e drejtpërdrejta të Ban Ki-Mun me Hamasin. Në Gaza intensifikohen luftimet. Ushtarët
izraelitë u përleshen sot në mëngjes me luftëtarët e Hamasit në qytetin e Gazës, si
dhe bombarduan një enklavë në kufirin jugor me Egjiptin. Presidenti i autoritetit
palestinez Mahmud Abas, tha se ofensiva e izraelit po bëhet gjithnjë e më e egër,
ndërkaq numri i viktimave por rritet. Mediat izraelite njoftojnë se avionët e ushtrisë
kanë qëlluar afro 35 tunele, që shërbenin për kontrabandën e armëve nga Hamasi. Luftimet
në tokë kanë vazhduar pa ndërprerje. Ushtarët izraelitë hynë thellë në qytetin e Gazës
dhe po zhvillojnë luftime të ashpra me luftëtarët e Hamasit.
Bin Laden
bën thirrje të re për xhihad kundër Izraelit për të “shpëtuar Gazën”. Lideri i Al
Kaidës, Osama bin Laden, thuhet se ka përhapur një mesazh në internet për t’i ftuar
myslimanët në xhihad ose luftë të shenjtë në favor të popullsisë së Gazës. Kështu
njofton televizoni araba ‘al-Zhazira’. Mesazhi, i përhapur në forumet kryesore islamike,
titullohet: “Thirrje për Xhiad për të ndalur ofensivën e Izraelit në Gaza”. Bëhet
fjalë për një dokument prej 22 minutash i cili është përhapur sot nga forumet kryesore
xhihadistë në Internet.