Reliket e prindërve të Shën Terezës së Krishtit Fëmijë arritën në bazilikën e Vatikanit
(10.01.2009 RV)Sot arriti në bazilikën
e Vatikanit urna me reliket e të Lumëve Luigji e Zelia Martin, prindërit e Shën Terezës
së Krishtit Fëmijë. Reliket u vendosën pranë elterit të katedrës nga kardinali Angjelo
Komastri, kryeprift i Bazilikës së Vatikanit. Do të qëndrojnë aty për 4 ditë, duke
krijuar mundësinë për t’u nderuar nga të gjithë besimtarët, që vizitojnë Bazilikën
e Shën Pjetrit.Të martën e ardhshme, më 13 janar, në orën 17. 00, në bazilikën e Shën
Pjetrit do të kremtohet një Meshë Shenjte për nder të të Lumëve, kryesuar nga zevendës-postulatori
i Çështjes së Lumnimit të tyre, rregulltari karmelitan atë Antonio Sangalli. Të mërkurën,
14 janar, pas audiencës së përgjithshme të Benediktit XVI, familja Schilirò me Pjetrin
e vogël, fëmijën e shëruar mrekullisht nga bashkëshortët Martin, do t’i dorëzojë Papës
një relike të të Lumëve.