Ватыкан: першая серада году сталася днём першай Агульнай аўдыенцыі Папы Бенедыкта
16 з Божым народам. Сярод яго знайшліся і праваслаўныя, якія сёння святкуюць Раство
Хрыстовае.
Як звычайна, у залі
імя Папы Паўла 6, якая, прыгадаем, змяшчае некалькі тысяч чалавек, адбылася гэтая
сустрэча. У сваім навучанні Свяцейшы Айцец працягваў катэхезу аб духоўнай спадчыне
апостала Паўла. У прыватнасці, ён папрасіў сваіх слухачоў засяродзіцца на думцы аб
самім сэнсе хрысціянскай рэлігійнасці. Бо, каб трываць у веры, трэба ўсведамляць,
што ж такое культ, які хрысціяне павінны аддаваць Богу? Тэалёгія апостала накіроўвае
нас заўсёды трымаць у полі зроку Крыж Хрыстовы, які карэнным чынам аднаўляе жыццядзейнасць
веравызнання. Адвечнае пакланенне Богу ўвесь час аднаўляецца ў найвышэйшым акце Боскае
любові, уцелаўлёнай у Хрысце, Які праз Сваю смерць на крыжы падносіць любоў да поўні.
...Святы Павел выкарыстоўвае слова "ахвяравацца" наконт усяго хрысціянскага існавання.
Пакланенне Богу, - працягваў Папа ў спасылцы на апостала, - уключае ідэю служэння
ў духоўнай чыстасці, а таксама адарацыю і ўслаўленне Бога Жывага. Мы пакліканыя зейнічаць
у веры і павазе чалавечае годнасці, каб пераўтварацца знутры і магчы прымаць жыццё,
пастаянна аднаўлянае ў Духу Святым."