(06.01.2009 RV)Tre Mbretërit dijetarë adhurojnë sot Krishtin. Në ta shikojmë
frytet e para të thirrjes sonë hyjnore e të fesë sonë e, me shpirtin e ngazëlluar,
kremtojmë fillesën e shpresës sonë… E ashtu si Mbretërit nxorën nga peshtafet e tyre
dhuratat mistike për t’ia paraqitur Zotit, edhe ne t’i hapin peshtafet e zemrave tona
e të vemë tek këmbët e Foshnjës së grazhdit, çka është më e denjë për Zotin. Ndonëse
Ai është dhurues i gjitha të mirave, të mos harrojmë se na kërkon frytin e vullnetit
të mirë. Mbretëria e qiellit nuk është për gjumashët, por për ata që punojnë pa u
lodhur kurrë, për ta njohur ligjin e Zotit e për ta zbatuar në çdo vepër të duarve
të tyre. Të mos e harrojmë kurrë këtë të vërtetë, në sa vijomë të kremtojmë solemnitetin
e Dëftimit të Zotit duke u uruar të gjithë dëgjuesve tanë: Gëzuar! Për shumë
mot!