У Віцебску праходзіць выстава ёлкавых аздобаў 1930-1960 гадоў
У віцебскім музэі прыватных калекцыяў праходзіць выстава „Навагоднія цацкі, сьвечкі
й хлапушкі”, на якой прэзэнтуюцца елкавыя аздобы 1930—1960 гадоў і навагоднія віншавальныя
паштоўкі 1950—1960 гадоў, сабраныя жыхаркаю Віцебску Нінай Бондаравай, паведмляе БелаПАН.
У калекцыі Н. Бондаравай, якую яна пачала зьбіраць у 90-x гадох мінулага веку,
налічваецца блізу 1.500 разнастайных елкавых аздобаў, выкананых са шкла, ваты, плястмасы,
паперы й картону. Найстарэйшыя ў калекцыі цацкі – з 1936 году. Гэта картонныя фігуркi
жывёлаў, пакрытыя серабрыстай і залацістай фарбаю. На экспазыцыі шмат цацак на тэму
космасу. На найстарэйшай паштоўцы ў круглай рамцы бачым не зімовы, а веснавы пэйзаж,
пад ім яловыя галінкі і надпіс „З Новым 1941 годам!".