У чацьвер раніцай, 1-га студзеня, Папа Бэнэдыкт 16 адслужыў у Базыліцы Сьвятога
Пятра Сьвятую Імшу з нагоды 42-га Сусьветнага Дня Міру. У сваім казаньні, ў часе
гэтае Літургіі, зьвярнуў увагу на тое, што ў абліччы пашыраючых ў сьвеце эпідэміі
і галечы, гонка ўзбраеньняў ёсьць не да прыняцьця. Папа спаслаўся да свайго пасланьня
на Сусьветны Дзень Міру, якое было азагалоўленае: “Перамаганьне беднасьці дарогаю
да міру”. Прыпомніў, што многім людзям галеча не дазваляе на годнае жыцьцё. Сучаснымі
формамі беднасьці зьяўляецца таксама спіханьне на ўскраіну грамадзтва, ўбоства ў галіне
адносін, маральная і духоўная нямогласьць. “У абліччы пашыраючагася ўбоства, харочовага
крызісу, я, на жаль,- сказаў Папа- мушу паўторна зганіць гонку да ўзбраеньня, якая
не да прыняцьця. Далей Сьвяцейшы Айцец дадаў: “З аднаго боку ўшаноўваецца Паўсюдную
Дэклярацыю Правоў Чалавека, а з другога боку пабольшваюцца выдаткі на ўзбраеньне,
парушаючы гэтую самую Хартыю ААН, якая даручае паменшаньне гэтых выдаткаў. Апрача
таго, хаця глабалізацыя адстараняе некаторыя бар”еры, але можа ствараць таксама і
новыя. Дзеля гэтага трэба, каб міжнародная супольнасьць і паасобныя краіны пастаянна
чувалі. Трэба , каб ніколі не паслабляла іхняя чуйнасьць адносна пагрозы розных канфліктаў,
што больш, трэба каб заангажаваліся ў падтрымку высокіх прыкладаў салідарнасьці, Бэнэдыкт
16 памаліўся таксама за мір на Сьвятой Зямлі У гэтых смутных
днях узялі голас таксама пастыры тамашніх Цэркваў. Разам з імі і іхнімі вернікамі,
перад усім вернікамі з малой парафіі ў Зоне Газа, мы складаем у падножжа Марыі наш
неспакой аб сучаснасьці і бояз пра будучыню, але таксама абгрунтаваную надзею, што
пры мудрым і далёкасяждным укладзе ўсіх будзе магчыма ўзаемнае выслуханьне сябе, каб
выйсьці насупраць міру і канкрэтна зрабіць тое, каб людзі жылі ў супакоі міры, бясьпецы
і годнасьці”.