Яшчэ ў сераду 31-га сьнежня позным вечарам Бэнэдыкт 16 адслужыў у Ватыканскай Базыліцы
вячэрню “Тэ Дэум” ( Цябе Бога хвалім) на заканчэньне 2008-га году. У сваёй прамове
сказаў, што 2008-ы год мы заканчываем са сьвядомасьцю нарастаючага грамадзкага і эканамічнага
крызісу. Ён тычыцца цэлага сьвету. Ад усіх патрабуе больш цбвярозага і салідарнага
стаўленьня, каб магчы прыйсьці з дапамогаю асабліва да людзей, што знаходзяцца ў найбольшых
цяжкасьцях. Далей Папа прыпомніў, што хаця Марыя ад раньніх часоў хрысьціянства
была абажаная як Багародзіца, ў заходняе хрысьціянства сьвята ў гонар Яе Мацярынства
увёў у 1931-м годзе Папа Пій ХІ. Трыццаць восем гадоў пазьней Папа Павал 6 даручыў
гэтае сьвята ўшаноўваць 1-га студзеня, ў сусьветны Дзень міру. Ватыканскае набажэнства
з падзячным “Тэ Дэум” прайшоўшаму году, на якім вакол Папы сабралася супольнасьць
рымскае дыяцэзыі, было харальнаю падзякаю за ласкі атрыманыя ў 2008-м годзе. Упрошвана
таксама Божае Міласэрнасьці ў кантэксьце дабра, якога часта нехапала. Бэнэдыкт 16
заахвоціў сваіх дыяцэзыян да руплівага ажыцьцяўляньня ўказаньняў душпастырскага плану,
які накіраваны на выхаваньне да надзеі ў малітве, дзеяньні і цярпеньні. Падтрымаў
пры гэтым новыя выхаваўчыя ініцыятывы, што ўздымаюць групы бацькоў. Асаблівыя словы
заахвочаньня накіраваў да моладзі, таму, што ад іх- як падкрэсьліў- залежыць будучыня
грамадзтва”.