Վատիկանեան տեղեկութիւններ: Pax Christi եկեղեցական շարժումի խորհրդաժողովը
Դեկտեմբեր 30 եւ 31-ին Pax Christi եկեղեցական շարժումը խորհրդաժողով մը կը գումարէ
Իտալիոյ Բալերմօ քաղաքը ՜՜խաղաղութիւն եւ հարաւային հողամասերը՝՝ նիւթով։ Ժողովին նպատակն
է խորհրդածել եւ պատրաստել ամավերջի խաղաղութեան քայլարշաւը Սիկիլիոյ մայրաքաղաքը, որ
վերջին տասնամեակներուն յատկանշուեցաւ տառապանքով ու վիշտով։ Այս նախաձեռնութեամբ Pax
Christi եկեղեցական շարժումի անդամները կ՛ուզեն յոյս ներշնչել Սիկիլիոյ բնակիչներուն
որպէսզի շարունակեն իրենց պայքարը՝ ՜՜կազմակերպուած ոճրագործութիւններու դէմ՝՝։ Քայլարշաւը
կը գլխաւորէ գերապայծառ Թոմաս Վալենդինին` նախագահը Pax Christi եկեղեցական շարժումին։
Քայլարշաւին բնաբանը ներշնչուած է Պենետիկտոս ԺԶ Քահանայապետի՝ 2009-ի խաղաղութեան պատգամէն։