Պոլսոյ Մարմարա Օրաթերթէն կը տեղեկանանք
որ Թուրքիոյ Տիարպէքիր քաղաքի կուսակալի տեակալ Ահմէտ Այտըն վերջերս այցելած է քաղաքին
վերջին հայ ամոլը նկատուող Պայծառ Ալաթայի եւ Սարգիս Էքէնի ու օժանդակութիւններ տրամադրած
է անոնց։ Թրքական ՝՝Զաման՝՝ թերթը կը գրէ, թէ կուսակալի տեղակալ Այտըն այցելած էր
սուրիանիներու Ս. Աստուածածին եկեղեցին, որուն վերանորոգութիւնը վերջերս աւարտած է։ Ան
խօսած է հայ զոյգին հետ, որ կապրի եկեղեցիին կից։ Կուսակալի տեղակալը յայտնած է, թէ
անոնք Տիարպէքիրի մէջ միասնութեան մէկ խորհրդանշանը դարձած են ։ ՝՝Մեր իսկական պարտականութիւնն
է տէր կանգնիլ մեր այն հայրենակիցներուն, որոնց հետ միշտ միասին ապրած ենք՝՝, ըսած է
Ահմէտ Այտըն ընդունելով, որ ՝՝քիչ մը ուշացած են՝՝ ։ Ան հազար թրքական լիրայի օժանդակութիւն
ըրած է ու սննդեղէն տրամադրած է հայ ամոլին։
Մինչեւ Նոր տարի Եւրոմիութեան
բնակչութեան թիւըկը հասնի կէս միլիառի։
Մինչեւ 2009-ի՝ Յունուար 1-ը Եւրոպական
Միութեան բնակչութեան թիւը պիտի հասնի 499,7 միլիառի։ Այդ մասին վերջերս հրապարակուեցաւ
եւրոպական վիճակագրական գործակալութեան՝ Eurostat-ի կողմէ պատրաստուած տեղեկագիր մը։
Մեկնելով վիճակագրութեան նախորդ տուելներէն՝ փորձագէտները յանգած են այն եզրակացութեան,
թէ բնակչութեան թիւի յաւելումը կը կանխատեսուի Եւրոմիութեան անդամ 27 երկիրներէն՝ 20ին
համար, իսկ մնացեալ 7 պետութիւններուն մէջ, հաւանաբար՝ բնակչութեան թիւի նուազում մը
պիտի արձանագրուի։ Բնակչութեան աճի ցուցանիշով առաջատարներն են Իռլանտան (+26,1 մարդ
հազար բնակիչի հաշուով), Լիւքսեմպուրկը (+16,2), Կիպրոսը (+15,5), Սլովենիան (+13,5)
եւ Սպանիան (+12,5), իսկ Պուլկարիոյ (-5), Լիտվանիոյ (-4,8) եւ Լատվիայի (-4,3) մէջ բնակչութեան
թիւը, ըստ նախատեսումներու պիտի նուազի։