У самы дзень Калядаў, значыць у чацьвер 25-га сьнежня, Сьвяцейшы Айцец, а поўдні,
з цэнтральнага балкону Базылікі Сьвятога Пятра, зьвярнуўся да ўсіх вернікаў з Калядным
Пасланьнем, пасьля якога надзяліў сваё традыцыйнае блаславенства “Урбі эт Орбі”-
Гораду Рыму і Сьвету. У сваім звароце да вернікаў Папа прыпомніў сэнс пасланьня гэтае
ўрачыстасьці, ў якой Касьцёл аддае пашану Богу , які схіляецца перад патрабуючым
дапамогі сьветам. Дзякуючы Уцелаўленьню хвала Бога разыходзіцца па ўсёй зямлі, а
яе выяўленьнем ёсьць мір сярод “людзей добрае волі”. Гэта заахвочаньне, каб кожны
веруючы, зазнаўшы Божае любові, сам быў яе хадайнікам і сейбітам міру. “Боскае
Сьвятло з Бетлеему хай распаўсюджваецца ў Сьвятой Зямлі, ў якой здаецца “зноў стаецца
хмурным гарызонт для Ізраільцыянаў і Палестынцаў. Хай распаўсюджваецца ў Лібане,
ў Іраку і на цэлым Блізкім Усходзе”- сказаў Бэнэдыкт 16 у сваім пасланьні. Хай зробіць,
каб далі плады намаганьні тых, якія не падвяргаюцца логіцы канфрантацыі і насільля,
за тое імкнуцца да дыялогу і перагавораў, каб выцішыць ўнутраныя напружаньні ў паасобных
дзяржавах і знайсьці справядлівыя і трывалыя развязкі канфліктаў, якія трывожаць гэты
рэгіён сьвету. Сьвятла, якое пераменьвае і аднаўляе, жадаюць жыхары Зімбабвэ ў Афрыцы,
якія ад даўжэйшага часу ёсьць непакоеныя палітычным і грамадзкім крызісам, як таксама
грамадзяне Дэмакратычнае Рэспублікі Конга, асабліва ва ўмучаным рэгіёне Ківу. Жадаюць
яго жыхары Дарфуру ў Судане і жыхары Самалі, якіх доўгае цярпеньне ёсьць вынікам недахопу
стабільнасьці і міру”. Як прыпомніў Сьвяцейшы Айцец гэтага напрыроднага сьвятла
надзеі чакаюць асабліва дзеці ўсюды там, дзе пануюць цяжкасьці. “Там, дзе прыніжаецца
годнасьць і правы чалавечае асобы; дзе аддаецца перавагу эгаізму адзінкі або груп
над супольным дабром; дзе існуе рызыка прызвычаеньня сярод насельніцтва да братазабойчае
нянавісьці і эксплуатацыі чалавекам чалавека; дзе грамадзянскія войны падзяляюць
этнічныя групы і разбураюць супольнае жыцьцё; дзе не спыняе ўдараць тэррарызм; дзе
існуе недахоп асноўных сродкаў да жыцьця; дзе са страхам людзі глядзяць у будучыню,
якая стаецца што-раз больш няпэўная, таксама ў краінах, якія цешацца дабрабытам: усюды
там хай разясьнее сьвятло Божага Нараджэньня і заахвоціць ўсіх да працы у духу сапраўднае
салідарнасьці. Калі кожны думае толькі аб сваіх інтарэсах, сьвет няўхільна накіроўваецца
да руіны”- дадаў Бэнэдыкт 16. Перад надзяленьнем Блаславенства “Урбі эт Орбі”
( Гораду Рыму і Сьвету) Папа накіраваў свае Калядныя прывітаньні ў 64-х мовах сьвету,
якія за пасрэдніцтвам радыё і тэлебачаньня дайшлі да кожнага кантынэнту. Сьвяцейшы
Айцец таксама прывітаў вернікаў з Беларусі, накіроўваючы да іх наступныя прывітаньні: Так, так, дарагія
слухачы, Вясёлых Калядных Сьвятаў жадае вам таксама беларуская праграма Ватыканскага
Радыё.