Бэнэдыкт 16: хвала сапраўднага Бога бачна перад бетлеемскімі ясьлямі
Маем час Калядаў і самазразумела дзейнасьць Сьвяцейшага Айца ў гэты пэрыяд ёсьць вельмі
багатаю. І так у сераду 24-га сьнежня, а поўначы, Папа адслужыў у Базыліцы Сьвятога
Пятра Імшу ў чаканьні Калядаў. У сваім казаньні Папа Ратцынгэр сьцвердзіў, што “хвала
сапраўднага Бога стаецца бачнаю, калі адкрываюцца нам вочы сэрца перад бетлеемскімі
ясьлямі”. У перапоўненай найбольшай сьвятыні сьвету занялі месцы духоўныя і сьвецкія
асобы, ў тым прадстаўнікі дыпламатычнага корпусу. “У асаблівы спосаб
мы думаем у гэтую ноч пра тых дзяцей, якім адмоўлена бацькаўскай любові. Мы думаем
аб дзецях з вуліцы, якія не маюць дару дамашняга ачагу. Аб дзецях, якія ў жудасны
спосаб выкарыстоўваюцца як салдаты і стаюцца прыладаю насільля, замест прыносіць прымірэньне
і мір. Аб дзецях, якія за пасрэдніцтвам парнаграфічнае індустрыі і ўсіх іншых агідных
формаў эксплуатацыі ёсьць зраненыя аж да глыбіні сваёй душы” І далей Бэнэдыкт
16 працягваў: “думаючы аб Бэтлееме мы думаем таксама аб мясцовасьці аб назове Бэтлеем;
думаем аб гэтай краіне, ў якой жыў Ісус і якую Ён глыбока любіў. І молімся, каб запанаваў
там мір. Каб спыніліся нянавісьць і насільле. Каб абудзілася ўзаемнае зразуменьне
і дайшло там да адкрыцьця сэрцаў, якія адкрываюць межы. Каб наступіў мір, які сьпявалі
Анёлы”. Папа закончыў сваё казаньне малітоўным заклікам: “Госпадзе, пакажы нам
штосьці з блеску Тваёй хвалы. І адбары нас мірам на зямлі. Зрабі нас мужчынамі і
жанчынамі Твайго міру”.