Да 500-годдзя з дня нараджэння вялікага Мікелянжэло Буанароцці рыхтуецца кніга, якая
спрабуе разгадаць патаемны сэнс фрэсак Сікстынскай капэлы.
Наймагутнейшы геній італьянскага Адраджэння, рэлігійны скульптар і мастак Мікель Анжэло
запячатаў у самым велічным сваім творы - роспісах фрэсак на столі і мурах Сікстынскай
Папскай капэлы ў Ватыкане патаемныя знакі. Раскрыць іхны сэнс спрабуюць два суаўтары:
мастацтвазнаўца-экскурсавод па музеях Ватыкана Рой Далінэр і рабін Бенжамін Блеч.
Яны тлумачаць сімбалі і сцвярджаюць, што аўтар фрэсак скарыстаў не толькі хрысціянскія
і юдаісцкія, але таксама кабалістычныя і язычныцкія грэцкія і іншыя знакі.Некаторыя
накіраваныя нават супраць заказчыка фрэсак - Папы Юлія 2-га, бо вядома, што Мікелянжэла
вельмі не жадаў пакідаць сваю любую працу над скульптурамі і распісваць столь. А менавіта
гэты роспіс разам з алтарным "Страшэнным судом" прынеслі яму найбольшую спрадвечную
славу. Кніга па-ангельску ўжо падрыхтаваная да друку пад тытулам:"Сісктынскія сакрэты:забароненыя
пасланні Мікелянжэло ў сэрцы Ватыкана". У Італіі кніга ўжо выдавалася двойчы. Цяпер
ідзе яе пераклад на 16 моваў. У хуткім часе з'ячвяцца пераклады і на зразумелыя многім
нашым слухачам славянскія: польскую і балгарскую мовы.