Беларускі каталіцкі касьцёл ня вырашыў праблемы папаўненьня колькасьці сьвятароў
грамадзянамі Беларусі, - заявіла Марына Цьвік, начальнік аддзела па справах рэлігіі.
У Беларусі дзейнічаюць толькі дзьве каталіцкія сэмінарыі, навучаньне ў якіх цягнецца
6 гадоў, а Каталіцкі касьцёл актыўна запрашае на працу замежных грамадзянаў. Словы
Марыны Цьвік перадае дзяржаўнае інфармацыйнае агенцтва БелТА. Запрошаныя сьвятары
вельмі часта не валодаюць дзяржаўнымі мовамі Беларусі й прасоўваюць іншую культуру
й мэнталітэт, а таксама не заўсёды разумеюць сацыяльна-палітычныя працэсы краіны.
Марына Цьвік таксама адзначыла, што ў 2008 годзе касьцёл усё ж запрасіў на
працу на 14 замежных сьвятароў менш, чым у папярэднія гады. Яна нагадала, што сьвятары-замежнікі
павінны атрымліваць асабісты дазвол на працу ад упаўнаважанага па справах рэлігій
і нацыянальнасьцяў.