Sette На радзіму вярнуўся пасля візіту ў Ватыкан прэзідэнт вострава Шры Ланка спадар
Махінда Раджа-Пакс. Бакі выдалі паведамленне з нагоды візіту. Сярод пунктаў - пагроза
ўзрастання сэктаў у Азіяцкай краіне
"Умацоўваць шлях дыялогу, клапаціцца аб патрэбах грамадзян Шры-Ланкі і аб іхняе рэлігійнае
свабодзе." Такія пункты чытаем ў паведамленні прэсавай залі Ватыкану абб выніках
візіту прэзідэнта РаджаПакса. "У ходзе сардэчнай гутаркі ..бакі падкрэслілі неабходнасць
ісці насустрач пажаданням насельніцтва вострава, якое падзвяргаецца вялікім выпрабаванням,
умацоўваць дыялог і браць шлях перамоваў. як адзіны, на якім можна асягнуць справядлівага
і трывалага вырашэння актуальнай канфліктнай сітуацыі." У ходзе візіту была выказаная
надзея на тое, што каталіцкая Царква будзе і надалей карыстацца правам на рэлігійную
свабоду. Як указваецца ў Заяве. такім чынам Касцёл здолее ўносіць значны ўклад у
жыццё краіны праз сваё сведчанне веры, міласэрднасць, праз дзейнасць у галіне адукацыі,
дабрачыннасці, прымірэння і міра. на востраве Шры-Ланка (былы Цайлон) пражывае
больш за 21 млн чалавек, 62 працэнты вызнаюць будызм. Хрысціяне ўсіх канфесій складаюць
6 з паловай працэнты насельніцтва