Papa ipeshkvijve të Tajvanit: të jeni shpirtë risht të bashkuar me vëllezërit e
Kinës kontinentale
(12.12.2008 R.V.)Mbrojtja e familjes, kujdesi për emigrantët e formimi i meshtarëve
dhe i katekistëve: këto janë tri temat kryesore që trajtoi Papa në fjalimin e tij
drejtuar ipeshkvijve katolikë të Tajvanit, të cilët i priti sot paradite në Vatikan
me rastin e vizitës së tyre pesëvjeçare ‘Ad Limina Apostolorum’. Mes tjerash, Benedikti
XVI i ftoi ipeshkvijtë e Tajvanit të jenë shpirtërisht të bashkuar me bashkëvëllezërit
e Kinës kontinentale. “Ju e besimtarët e të krishterët e Tajvanit jeni shenjë e
gjallë se në një shoqëri të drejtuar me drejtësi”, nuk duhet pasur frikë të jesh “
katolikë i mirë e qytetarë i mirë”: këtë lavdërim Papa Benedikti XVI ia drejtoi ipeshkvijve
të Tajvanit, të thirrur të tregojnë “një vëmendje të përzemërt për katolikët “që jetojnë
në Kinën kontinentale. “Lutem – shtoi Papa – që si pjesë e familjes së madhe katolike
kineze të vazhdoni të jeni shpirtërisht të bashkuar me sivëllezërit tuaj kontinentalë”
e të kujdeseni për mbrojtjen e familjes, “qelizës jetike” të shoqërisë. “E themeluar
mbi paktin e parevokueshëm – tha Papa – familja i sjell personat të zbulojnë mirësinë,
bukurinë e të vërtetën” dhe përmes tyre edhe “të mësojnë të japin ndihmesën e tyre
për ndërtimin e qytetërimit të dashurisë”. “Mos u lodhuni në promovimin e legjislacionit
të drejtë civil e të politikave që mbrojnë aspektin e shenjtë të martesës”. Kështu
Papa i ftoi ipeshkvijtë e Tajvanit të mbrojnë këtë Sakrament nga gjithçka që mund
ta dëmtojë, në mënyrë të veçantë prej sulmeve kundër jetës në çastet më të ndjeshme
të saj. Në vazhdim Ati i Shenjtë Racinger nënvizoi në mënyrë të posaçme vëmendjen
që Kisha e Tajvanit ka në fushën e mbrojtjes të të drejtave njerëzore të emigrantëve,
sidomos përmes rrjetit të kishave famullitare. “Kremtimi i 150 vjetorit të ungjillëzimit
katolik të Tajvani – vijoi Papa – le të jetë rast për ta shfaqur në një mënyrë edhe
më fortë bashkimin me Zotin, duke promovuar së bashku apostullimin e Kishës”. Pastaj
Papa i porositi ipeshkvijtë t’i kushtojnë vëmendje të veçantë formimit të meshtarëve
e përgatitjes së katekistëve dhe përmendi Ditën e të Rinjve të Tajvanit e Konferencën
mbi Ungjillëzimin me aftësi të krijuese.