Պոլսոյ Մեսրոպ պատրիարքը արժանացաւ ՜՜Ս. Նիկողայոսի արծաթէ վարդ՜՜ մրցանակին, Քրիստոնեաներու
միութեան ի խնդիր տարած աշխատանքին համար։
՜՜Ս. Նիկողայոսի արծաթէ վարդ՜՜ մրցանակը հաստատուած է ֆրիպուրկի եւ Ռադիսպոնի համալսարաններէն,
եւ այս տարի այս մրցանակը պարգեւատրուեցաւ Պոլսոյ հայոց պատրիարք՝ Մեսրոպ Արք. Մութաֆեանին։
Մեսրոպ պատրիարքը մեծ հմտութեամբ աշխատած է հաւատքի ու բանականութեան միութեան նիւթի
վրայ, նոյնպէս աստուածաբանութեան ու Աւետարանի քարոզութեան ի խնդիր։ Իր առօրեայ բոլոր
գործունէութիւններու մէջ, Մեսրոպ պատրիարքի մտահոգութիւններէն առաջինը եղած է քրիստոնեաներու
միութիւնը, հակառակ Թուրքիոյ եւ Հայաստանի միջեւ գոյացող ընդհարումներուն։ Յայտնենք թէ
անցեալ տարիներուն վերոյիշեալ մրցանակին արժանացած էին Սմոլենսք թեմի առաջնորդը մետրապոլիտ
Կիւրեղ, 2006-ին։ Ռումանիոյ Վարատեգ աբբայարանի մեծաւորուհի՝ մայր Ժոզէֆինա, 2007-ին։
Քրիստոնեաներու միութեան քարհանայապետական խորհուրդի ենթաքրտուղարը գերապայծառ ֆորթինօ,
2008-ին։ ՜՜Ս. Նիկողայոսի արծաթէ վարդ՜՜ մրցանակը կը վարձատրէ բոլոր անոնք որոնք Ս. Նիկողայոսի
նման տեսանելի կը դարձնեն Աստուծոյ սէրը հանդէպ մարդոց։
Յառաջիկայ Յունուար 12-ին,
Պոլսոյ Ս. Աստուածածնայ Նուիրուած՝ աթոռանիստ եկեղեցւոյ մէջ, պիտի կատարուի մրցանակի
տուչութեան արարողութիւնը։