Сапраўдны цуд адбыўся ў магілёўскім касьцёле сьвятога Станіслава. Кактус, які стаяў
ля абраза Маці Божай, нечакана прыняў форму жанчыны, якая складае рукі ў малітве.
Манахіні
апавялі, што год таму гэты кактус прынесла ў касьцёл адная зь верніц. Нейкі час ён
стаяў у іншым месцы, затым яго паставілі ў нішы, дзе знаходзіцца абраз Маці Божай.
Празь нейкі час на кактусе зьявіліся некалькі адросткаў – і расьліна стала вельмі
падобная да жанчыны, якая зьвяртаецца ў малітве да Маці Божай. У касьцёле стрымана
кажуць, што ня варта казаць пра гэта як пра цуд альбо сэнсацыю. Але падабенства расьліны
да выявы чалавека не адмаўляюць.