Адбылася яна ў зале імя Папы Паўла 6-га. Прыбыло на яе многа вернікаў і паломнікаў
з кожнага кутку сьвету. У сваёй сёньняшняй катахэзе Бэнэдыкт 16 гаварыў аб
Айцах Царквы. Сьвяцейшы Айцец зноў гаварыў на сёньняшняй аўдыенцыі пра Апостала
Паўла. Папа сказаў, што навучаньне Сьвятога Апостала Паўла аб Хрысьце і аб
Таямніцы Адкупленьня заахвочвае нас да роздуму над сакрамантальнымі знакамі Божае
эканоміі збаўленьня. Апостал падкрэсьлівае, што збаўленьне стаецца нашым удзелам
дзякуючы Божай ласцы і веры. Вера ўзбуджаецца сілаю пачутага Божага Слова. Гэта
яно нараджае новага чалавека, які цераз хрост стае ўключаны да Царквы, стае прылучаны
да таямніцы сьмерці Хрыста. Абьяднаньне з Госпадам найлепш выяўляецца ў знаку
Эўхарыстыі- працягваў Папа ў часе сёньняшняе аўдыенцыі. У Пасланьні да Карынцыянаў
спасылаючыся да навучаньняў іншых Апосталаў і абьяўленьня атрыманага ад Госпада Сьвяты
Апостал Павал апісвае ўстанаўленьне Эўхарыстыі ў часе Апошняе Вячэры і яе спалучэньне
з мукамі Хрыста. Прыпамінае, што Эўхарыстыя ёсьць адзінаю, непаўторнаю ахвяраю, ў
якой Сын аддаецца Айцу. Ёсьць яна знакам новага саюзу заключанага цераз мукі, сьмерць
і ўваскрасеньне Хрыста разам з Якім пачынаецца новая гісторыя чалавецтва. Збаўчым
знакам – сказаў на заканчэньне сёньняшняе катахэзы Бэнэдыкт 16-- ёсьць таксама шлюбны
саюз ахрышчаных. Апостал Павал падкрэсьлівае значэньне чалавечае любові, якой прыкладам
ёсьць адносіны Хрыста да Царквы, што паказана ў Пасланьні да Эфэсцаў. “Мужы любіце
жонак бо і Хрыстос палюбіў Царкву. Таямніца гэтая вялікая а я гавару гэта ў спасланьні
да Хрыста і да Царквы. Хай ў нашай сьвядомасьці суправаджае нас заўсёды факт, што
Хрыстос у сваім слове і сакрамантах ёсьць блізка нас, ёсьць прысутны з намі”.
На заканчэньне аўдыенцыі Папа прывітаў ўсіх вернікаў асабліва хворых, моладзь ды новыя
шлюбныя пары надзяляючы на ўсіх сваё Апостальскае Блаславенства.