Багародзічная малітва "Анёл Гасподні" з Папам у нядзелю 7-га сьнежня
А паўдні гэтага дня, як таксама і ў важнейшыя сьвяты, Бэнэдыкт 16 сустрэўся
з вернікамі, якія прыбылі на Плошчу Сьвятога Пятра на гэтую марыйную малітву. У сваёй
прамове Сьвяцейшы Айцец сказаў, што людзям, зьнясіленым голадам і галечаю, натоўпам
уцекачоў, ды ўсім, якіх чалавечыя правы парушаюцца, Касьцёл ў пэрыядзе Адвэнту паказвае
Збавіцеля, які надыходзіць. Ім зьяўляецца Ісус Хрыстос, перамога Якога дала пачатак
пераходу з панаваньня граху і сьмерці да любові і жыцьця. Хрыстос даў пачатак новаму
чалавечцтву, якое паходзіць ад Бога. Вітаючы пілігрымаў, якія ў вялікай колькасьці
прыбылі на Плошчу Сьвятога Пятра, Папа перадаў словы салідарнасьці праваслаўным вернікам,
якія аплаківаюць сьмерць Патрыярха Масквы і Ўсяе Русі Аляксея ІІ. Мы абьядноўваемся
ў малітве з нашымі праваслаўнымі братамі. Ягоную душу даручаем дабраце Бога, ўпрошваючы,
каб прыняў яе да свайго каралеўства сьвятла і міру. Паховіны Патрыярха Аляксея
ІІ адбудуцца ў аўторак 9-га сьнежня ў Богаяўленьскім Катэдральным Саборы ў Маскве-
паінфармаваў Мітрапаліт Кірыл, якога Сьвяты Сынод выбраў на дачаснага кіраўніка Рускае
Праваслаўнае Царквы да часу выбару новага Патрыярха. З Ватыкану на паховіны Аляксея
ІІ адправілася афіцыяльная дэлегацыя з кардыналам Вальтэрам Каспэрам на чале. Ёсьць
ў ёй таксама кардынал Рожэ Этчэгэрай. Дэкрэтам Прэзыдэнта Медведева рускія масс-мэдыя
ды культурныя ўстановы у дзень паховінаў спыняць усе праграмы забаўнага зьместу. Папа
Бэнэдыкт 16 далей ў сваёй прамове 7-га сьнежня да вернікаў запрасіў студэнтаў і выкладчыкаў
рымскіх навучальных устаноў да Ватыканскае Базылікі Сьвятога Пятра на традыцыйную
сустрэчу перад Божым Нараджэньнем. У Годзе Сьвятога Паўла Папа сімвалічна перадасьць
ім тэкст Пасланьня Апостала Паўла да Рымлянаў пасьля Сьвятой Імшы, якую 11-га сьнежня
адправіць кардынал Агостоіно Вальліні.