Польшча: ІХ Дзень малітвы і матарыяльнае дапамогі Касьцёлу на Усходзе
2 снежня 2008 г. у Варшаве адбылася прэс-канферэнцыя з нагоды ІХ Дня малітвы і матэрыяльнай
дапамогі Касцёлу на Усходзе. Гэты дзень будзе адзначацца ва ўсёй Польшчы 7 снежня,
у другую нядзелю Адвэнту, і пройдзе пад дэвізам «Агорнем клопатам жыццё».
З
гэтай нагоды будуць цэлебравацца святыя Імшы ў інтэнцыі католікаў, якія жывуць на
тэрыторыі былога Савецкага Саюза, а сабраныя фінансавыя ахвяраванні будуць прызначаны
на розныя праекты, мэтаю якіх з’яўляецца матэрыяльная падтрымка Каталіцкага Касцёла
на гэтых землях.
Падчас канферэнцыі Прымас Польшчы кардынал Юзаф Глемп
падкрэсліў значэнне малітвы і матэрыяльнай дапамогі Касцёлу на Усходзе. Ксёндз доктар
Юзаф Кубіцкі TChr, старшыня аддзела па дапамозе Касцёла католікам на Усходзе,
прывёў персанальную статыстыку аказанай дапамогі за 2008 г.
Святары і сёстры
законныя з Польшчы, якія працуюць у Расіі і ва Украіне, распавялі пра дзейнасць дамоў
самотных маці і дзіцячых інтэрнатаў.
Вельмі істотны фактар, які аб’ядноўвае
лакальныя Касцёлы на тэрыторыі былога СССР, — досвед цяжкага пераследу на працягу
дзесяцігоддзяў. Тыя трагічныя часы прынеслі амаль поўнае знішчэнне Касцёла і вялікае
мноства мучанікаў, дзякуючы ахвяры якіх ён змог вытрываць выпрабаванні часу.