Arriti në Sheshin e Shën Pjetrit në Vatikan Bredhi i Krishlindjes.
Sheshi i Shën Pjetrit po merr pamje festive, me Bredhin e Krishtlindjes e Shpellën
e Betlehemit në përgatitje e sipër, në mes. Bredhi, i lartë 33, metra sivjet vjen
nga Austria jugore. Është dhuratë për Papën nga komuna austriake Gutenshtain. I
lartuar, si çdo vit, pranë Obeliskut, tani po stoliset për festë me zbukurime vezulluese.
Të enjten, më 13 dhjetor, në Romë do të jetë i pranishëm një delegacion i Altenburgut.
Një fëmijë i ardhur enkas nga kjo krahinë, do të ndezë dritat e Bredhit në praninë
e personaliteteve të Vatikanit e të Austrisë jugore, që do të shoqërohen nga një grup
i madh shtegtarësh.Bredhi i parë i Krishtlindjes në Vatikan u vendos në vitin 1982,
për t’u bërë, më pas, traditë e përvitshme. 26 herë me radhë ka ardhur nga vise të
ndryshme malore të Italisë, 25 herë nga Austria e 21, nga Kroacia, por edhe nga Gjermania,
Polonia, Republika Çeke, Sllovenia e Republika Sllovake.
Ndërsa nesër, më
8 dhjetor, Benedikti XVI do të hapë kremtimet e dhjetorit, me aktin tradicional
të nderimit të Zojës së Papërlyer, në Sheshin romak të Spanjës.