Եկեղեցասէր Միութիւն Յունաստանի Հայ կաթողիկէ Ս Գրիգոր Լուսաւորիչ եկեղեցւոյ մէջ:
Յունաստանի
Հայ կաթողիկէ Ս Գրիգոր Լուսաւորիչ եկեղեցւոյ ժողովրդապետ Տէր Ռափայէլ քհն Շէֆիքեանի
նախաձեռնութեամբ, կազմուած է նոր մարմին մը, որ կը կրէ Եկեղեցասէր Միութիւն Հայ Կաթողիկէ
Ս Գրիգոր Լուսաւորիչ եկեղեցւոյ անունը։
Միութեան նպատակը պիտի ըլլլայ աշխատիլ
բարելաւելու համար եկեղեցւոյ հոգեւոր եւ նիւթական վիճակը։ Այս ուղղութեամբ, 26 նոյեմբերին,
եկեղեցւոյ դահլիճին մէջ գումարուած է ժողով մը ներկայութեամբ ժողովրդապետութեան 9-ը
անդամներու։
Տէր Ռափայէլ քհն. Շէֆիքեան ժողովին բացման պարզած է նման մարմնոյ
մը գոյութեան անհրաժեշտութիւնը, ուր արդէն միատեղ կը գործեն ՀԿԵՄ-ը եւ ՀԿՏՄ-ը։ Շօշափելէ
ետք կարգ մը կէտեր ընտրուած է գործադիր մարմին մը ներկաներուն միջեւ։ Քուէարկութեամբ
ընտրուած երկսեռ վարչութիւնը նաեւ կազմած է իր դիւանը։
Թեհրան։ Հայ
գրքի 6-րդ ցուցահանդէս վաճառք
Նախագահութեամբ Թեհրանի առաջնորդ Սեպուհ արք Սարգիսեանի,
վերջերս առաջնորդարանի շրջափակին մէջ տեղի ունեցած է ՙ ՙՀայ գիրքի 6-րդ ցուցահանդէս-վաճառք՚
՚ նախաձեռնութեամբ՝ Թեհրանի հայոց թեմի քրիստոնէական դաստիարակութեան յանձնախումբին։
Նման ցուցահանդէս-վաճառք կատարուած է նաեւ՝ Սասուն քաղաքամասին մէջ ՝ Ս Թարգմանչաց եկեղեցւոյ
կից գտնուող Շաղուլեան սրահին մէջ։