Кардынал Сандры: Касьцёл вядзе барацьбу з антыісламізмам, а перасьлед хрысьціянаў
павялічваецца
«У той час, калі Касцёл вядзе барацьбу з антысемітызмам і антыісламізмам, пераслед
хрысціянаў павялічваецца», — адзначыў кардынал Леанарда Сандры, прэфект Кангрэгацыі
па справах Усходніх Касцёлаў, у інтэрв’ю для газеты «La Repubblica».
Па
словах кардынала Сандры, складваецца ўражанне, што «антыхрысціянізм не заўважаецца,
а ў некаторых выпадках, здаецца, проста апраўдваецца». «Тым часам неабходна даць абсалютную
гарантыю хрысціянам на права свабодна вызнаваць сваю рэлігію», — падкрэсліў іерарх.
Прэфект
ватыканскага ведамства ўзгадаў свой нядаўні візіт у Індыю. «Мы занепакоены тым, што
здарылася ў штаце Арыса», — сказаў іерарх, а таксама падкрэсліў, што на гэтую тэму
размовы вяліся паміж мясцовымі ўладамі і прадстаўнікамі Касцёла. «Менавіта на лакальным
узроўні хрысціянам павінна быць гарантавана бяспека», — дадаў кардынал.
Як
паведаміў кардынал Леанарда Сандры, Апостальская Сталіца з непакоем глядзіць на ўцёкі
хрысціянаў з Блізкага Усходу, а асабліва са Святой Зямлі. «Іх амаль няма ў ваколіцах
Багдада. Іракскія біскупы займаюцца цяпер сваімі вернікамі ў Еўропе і Амерыцы», —
заўважыў іерарх. На яго думку гэта — «абядненне жыцця краіны».