Вядомая польская дабрачынная арганізацыя Карытас далучаецца да акцыі дапамогі ўцекачам
у Дэмакратычнай Рэспубліцы Конга. З гэтай мэтай да наступнай нядзелі працуе нумар
72-902, на які можна высылаць смс-паведамленьні „pomagam” (памагаю), каб такім чынам
падтрымаць ахопленую канфліктам краіну. Як інфармуе афіцыйны сайт ААН-аўскай місіі
ў Конга, эўрапейскія краіны хочуць адкрыць паветраны мост з гуманітарнай дапамогай
для Конга. Вядуцца таксама палітычныя дзеяньні з мэтаю спыненьня канфлікту. Сытуацыя
ўцекачоў штораз цяжэйшая. У пятніцу вакол невялікай базы дабрачыннай місіі ў Бамбу
сабралася блізу 25 тыс. асобаў. 60-асабовы пэрсанал пляцоўкі ня ў стане дапамагчы
ўсім, хто ўцякае з тэрыторыяў, ахопленых баявымі дзеяньнямі.