Багародзічная малітва "Анёл Гасподні" з Папам у нядзелю 16-га лістапада
А паўдні гэтага дня, як і ў важнейшыя сьвяты, Сьвяцейшы Айцец сустрэўся з вернікамі,
якія прыбылі на Плошчу Сьвятога Пятра, на гэтай марыйнай малітве. У сваёй прамове
да іх, перад адгаварэньнем гэтае малітвы, Бэнэдыкт 16 заахвоціў вернікаў да адказнага
прыйманьня Божых дараў. Палікаў іх таксама да падтрымкі кляўзуровых законніц ды да
асьцярожнасьці на дарогах. У сваёй галоўнай прамове да вернікаў Папа спаслаўся
да ўчарашняга нядзельнага Эвангэльля, ў якім чытаецца аб талентах. Апрача прыродных
здольнасьцяў- сказаў Сьвяцейшы Айцец- Хрыстос пакінуў людзям духоўнае багацьце- Эвангэльле,
Хрост, малітву “Ойча наш”, дар свайго прабачэньня ды Эўхарыстыю: Божае Каралеўства,
якім ёсьць Ён сам, прысутны сярод нас. Зьвярнуў пры гэтым увагу на ўнутраныя стаўленьні
ў прыйманьні гэтых дароў Няправільнае
стаўленьне гэта страх. Слуга, які баіцца Госпада і дрыжыць перад Яго паваротам закопвае
манету ў зямлю, што не прыносіць ніякае карысьці”. Далей Папа заўважыў, што так дзеецца,
напрыклад, у людзей, якія былі ахрышчаныя, прынялі Першае Прычасьце і мірапамазаньне,
аднак загубілі гэтыя дары пад фальшывым вобразам Бога, які параліжуе веру і дзеяньні
аж да здрады Божых чаканьняў. На думку Сьвяцейшага Айца гэтая прыповесьць больш
падкрэсьлівае аднак добрыя плады здабытыя вучнямі, якія цешачыся з атрыманага дару
не схавалі яго са страху і з заздрасьці, але памножылі, прыймаючы яго і дзелячыся
ім з іншымі. “Тое, што мы атрымалі ад Хрыста рамнажаецца, калі даецца другім. Гэта
скарб ахвяраваны на раздаваньне, дзяленьне з іншымі”- падкрэсьліў Бэнэдыкт 16. Папа
прыпомніў затым, што 21-га лістапада будзе ўшаноўвацца Каталіцкаю Царквою дзень “Про
Орантібус”- памяці аб кляўзуровых законніцах. Бэнэдыкт 16 заахвовіў да падтрымкі
тых, якія поўнасьцю аддаючыся малітве жывуць дзякуючы Божаму Правіду. З нашага боку
малемся за іх ды за новыя пакліканьні. Падтрымлівайма гэтыя манастыры ў матарыяльных
патрэбах- зрабіў заклік Папа. У трэцюю нядзелю лістапада ўшаноўваецца памяць
ахвяраў дарожных выпадкаў. Шафёраў, пасажыраў і пешых Папа заахвоціў, каб прынялі
сабе да сэрца перасьцярогу Сьвятога Паўла: чувайце і будзьце цьвярозымі. “Нашыя паводзіны
на дарогах павінны характарызаваць: адказнасьць, разважнасьць і пашана да іншых”-
падкрэсьліў Бэнэдыкт 16.