(16.11.2008 RV)Sot Kisha katolike
kremtoi të dielën XXXIII të Kohës së zakonshme gjatë vitit kishtar.
Përkujtoi edhe Shën Margeritën e Skocisë. Të
hënën do të kremtohet festa e Shën Elizabetës së Hungarisë, terciare françeskane,
që na kujton se shërbëtori besnik i Zotit do ta marrë shpërblimin në jetën e pasosur.
Të marten do të përkujtohet
kushtimi i dy bazilikave më të mëdha të krishterimit: Bazilikës së Shën Pjetrit në
Vatikan dhe asaj të Shën Palit në Ostiense, sivjet qendër botërore e kremtimeve për
dymijëvjetorin e lindjes së Apostullit të Popujve.
Të
mërkurën – festa e Shën Matildës, Shën Faustit e Shën Abdisë profet, na
kujton se të gjithë jemi të ftuar të bashkëpunojmë me Krishtin, që ishte, që është,
që do të vijë!
Në liturgjinë e së enjtes,
në festën e Shën Gjelazit I papë e të Shën Oktavit, reflektimi se Zoti përgatit për
ne plane paqeje e ardhmëri shprese.
Të premten,
festa e Paraqitjes së Virgjërës Mari në tempull, na nxit të reflektojmë se Zoti kërkon
ta ngrejë banesën e vet në shpirtin e secilit prej nesh.
Të
shtunën Kisha na propozon shembullin e Shën Çeçiles e flijimin e saj për
Krishtin, me bindjen se Zoti është streha e shpëtimi i atyre që besojnë në Të me gjithë
zemër, deri në dhurimin e jetës!
E diela
e ardhshme, e XXXIV e kohës së zakonshme gjatë vitit kishtar, i kushtohet Krishtit
Mbret i Gjithësisë