Պենետիկտոս 16 Քահայանապետին հանդիպումը Պրազիլի հանրապետութեան նախագահին հետ։

 

Հինգշաբթի նոյեմբեր 13 Պենետիկտոս 16 Քահայանապետը իր գրասենեակին մէջ ընդունեց Պրազիլի հանրապետութեան նախագահ տիար Luiz Inácio Lula da Silva, անոր կողակիցը եւ շքախումբը։ Եկեղեցւոյ համար Պրազիլը կարեւոր տեղ կը գրաւէ, ոչ միայն որովհետեւ քրիստոնեայ երկիր է եւ այսօր կը ներկայացնէ կաթողիկէ մեծագոյն հասարակութիւնը, այլ որովհետեւ Պրազիլը ազգ մըն է եկեղեցականօրէն կարելիութիւններով հարուստ։

Ապա Նորին Սրբութիւնը ընդունեց տիար Sante Canducci, Սան Մարինոյի նոր դեսպանը, որ Սրբզ. հօր ներկայացուց իր հաւատարմագրերը։

Հուսկ՝ Սրբազան հայրը ընդունեց Պոլիվիայի եպիսկոպոսական համահաւաք դասէն խումբ մը եպիսկոպոսներ` եկած կատարելու իրենց հնգամեայ այցը Ս. Պետրոսի յաջորդին։



Քահանայապետական նշանակում։

Սրբազան հայրը Եպիսկոպոսներու ժողովի խորհրդատու նշանակեց գերապայծառ Luis Francisco Ladaria Ferrer-ը։Ան Հաւատոյ ժողովի քարտուղարի պաշտօն կը վարէ ։