2 лістапада 2008 г. каралева Іспаніі Сафія адзначыла сваё 70-годдзе. З гэтай нагоды
іспанская прэса апублікавала інтэрв’ю пад назвай «Каралева зблізку», у якім жонка
караля Іспаніі Хуана Карласа І заявіла, між іншым, што «эўтаназія — гэта забойства,
для якога шукаюць саўдзельнікаў».
Выказванне каралевы Сафіі выклікала
моцны рэзананс у іспанскіх СМІ. Каралева закранула шмат актуальных праблемаў грамадскага
і палітычнага жыцця. На яе думку, грамадзянскі закон не можа стаяць над прыродным.
«Пераважная
большасць сем’яў — нармальныя, якімі яны і былі спрадвеку: муж, жонка, дзеці, унукі,
— адзначыла каралева. — Нягледзячы на пануючую моду і прапаганду, пэўныя рэчы ніколі
не зменяцца: мужчына і жанчына як пачатковая пара, і гэты закон упісаны ў нашую прыроду».
Каралева
Сафія падкрэсліла, што калі гомасексуалісты «жадаюць быць разам і ўзяць шлюб, то маюць
на гэта права ў залежнасці ад законаў сваёй краіны, але няхай яны не называюць гэта
сужэнствам, бо гэта не так».
Каралева выкалазася таксама супраць абортаў
і эўтаназіі. Апошняе, на яе думку, з’яўляецца «забойствам, ля якога шукаюць саўдзельнікаў.
Жыццё і смерць не ў нашых руках», — падкрэсліла жонка караля Іспаніі.