Sot Kisha katolike përkujtoi Shën Martinin de Porres, domenikan.
(03.11.2008 RV)Bir natyror i një
kalorësi spanjoll dhe i një skllaveje zezake, Martini i Porres do të bëhej këshilltar
i zevendës-mbretit të Spanjës, të cilin e linte të priste mbrapa portës, në se ishte
duke mjekuar ndonjë të varfër. Ky është, i pikturuar me dy penelata, portreti i shenjtit-simbol
të Amerikës Jugore, i cili diti të kapërcejë kufizimet e epokës e të jepte mësimin
e çmuar se të gjithë njerëzit janë vëllezër e se ngjyrat e ndryshme të lëkurës ose
ndryshimet e etnisë, janë pasuri e madhe e jo shprehje papërsosurie. I lindur
nga Anna Velasquez më 1579 në Shën Sebastian të Limës, në Perù, Martini, hyri në Urdhërin
e domenikanëve, të cilët kishin themeluar në Limë kuvendin e parë peruvian. Në fillim
pranohet si terciar e kryen detyra shumë të përvujta, por më pas domenikanët ia njohin
vlerat. Ai ishte mistik, i pajisur me karizma të jashtëzakonshme si ekstazat, profecitë,
aftësia për të kumunikuar me kafshët (të cilat instinktivisht i drejtoheshin atij
për t'u mjekuar plagët e sëmundjet). Ndonëse nuk u largua kurrë nga Lima, u pa në
Afrikë, në Japoni e në Kinë, ku ngushëlloi misionarët që kalonin kohë të vështira. Vdiq
nga tifoja më 3 nëntor 1639 në moshën gjashtëdhjetë vjeçare. I shpallur shenjt
nga Gjoni XXIII, sot njihet si pajtor i berberëve e i parrukierëve.