Расія: Патрыярх Аляксей ІІ сустрэўся з французскім кардыналам Андрэ Труа
«Нашыя Цэрквы маюць многа супольнага, між іншым тое, што зазналі перасьледаваньні
ў выніку рэвалюцыі»- прыпомніў гэта Патрыярха Масквы ды Усяе Расіі Аляксей ІІ ў размове
з арцыбіскупам Парыжа і старшынёю Канфэрэнцыі Біскупаў Францыі кардыналам Андрэ Труа,
якога прыняў 29-га кастрычніка ў сваёй рэзыдэнцыі ў манастыры Сьвятога Даніла. Далей
ў сваёй прамове ў часе сустрэчы кіраўнік Рускае Праваслаўнае Царквы указаў падобную
долю абедзьвух Цэркваў: Каталіцкага Касьцёла ў Францыі ды Праваслаўнае Царквы ў Расіі.
Былі яны перасьледаваныя і пад гэтым оглядам рэвалюцыі: тая французская з 1789-га
году ды кастрычніцкая з 1917-га ёсьць да сябе падобныя. «Думаю, што гістарычнае дасьведчаньне
абедзьвух Цэркваў можа стаць з адною прычын нашага супрацоўніцтва»- сказаў Патрыярх
Аляксей ІІ. Прадказаў, што намерваецца адведаць Францыю ў 2010-м годзе з нагоды сьвяткаваньня
Году Расіі ў гэтай краіне. Кардынал Андрэ Труа са свайго боку прыпомніў гісторыю
манастыра на Салаўках, які ў сталінскім пэрыядзе быў заменены на канцэнтрацыйны лагер.
Падзякаваў гаспадару сустрэчы за магчымасьць адведаньня гэтага месца, ў якім загінула
мучаніцкаю сьмерцю многа праваслаўных сьвятароў і законннікаў. На заканчэньне Мітрапаліт
Парыжа выказаў таксама жаданьне далейшага разьвіцьця кантактаў паміж Каталіцкім Касьцёлам
Францыі а Рускаю Праваслаўнаю Царквою.