На Радзіме сьвятара-пакутніка Уладзіміра Хрышчановіча ўшануюць 75-ць гадавіну з ягонае
сьмерці
Святар-пакутнік Уладзімір Хрышчановіч, далучаны да ліку мясцовашанаваных святых Беларускай
Праваслаўнай Царквой 28 кастрычніка (15 кастрычніка ст. ст.) 1999 г. у Саборы 23-х
новых пакутнікаў, клірыкаў Мінскай епархіі першай паловы ХХ ст., нарадзіўся ў 1895
г. у вёсцы Гезгалы Лідскага павету Віленскай губерні ў простай сялянскай сям'і. Пасля
заканчэння Слуцкай Духоўнай вучэльні служыў псаломшчыкам у Мікалаеўскай царкве в.
Горкі Бабруйскага павету Мінскай губерні, а ў 1939 г. быў рукапаложаны ў святарскі
сан і служыў у Св-Праабражэнскай царкве в. Языль Старадарожскага раёну Мінскай вобл.
У снежні 1932 г. святар быў арыштаваны, яму былі вылучаныя абвінавачванні ў частых
богаслужэннях, якія суправаджаліся заклікамі да вернікаў не пакідаць Царквы, верыць
у Бога і маліцца Госпаду. На допытах ён наўпрост заявіў, што незадаволены палітыкай
савецкай улады. Ён пісаў да сваёй жонкі і дзяцей з турмы: "Спяшаюся павіншаваць вас
з Новым годам, з новым шчасцем. Дай Бог ператрываць вам усе цяжары і скрухі ад злых
людзей і падкопаў дыявала, які паўстаў знішчыць нас. Усявышні не дапусціць гэтага
і дапаможа нам перацярпець усе цяжары і скрухі крыжа. Прашу вас не забывацца Бога,
ад Якога ўсё залежыць усё". Паводле справы "клірыкаў і міранаў царквы Праабражэння
Гасподняга в. Языль, 1932 г." прысуджаны да растрэлу 12 лютага 1933 г., прысуд прыведзены
ў выкананне ў хуткім часе - з а. Уладзімерам былі растарляныя і другія служкі языльскай
царквы, а ягоная сям'я саслана на поўнач. Святара-пакутніка Ўладзімера Хрышчановіча
называюць па месцы ягонага нараджэння Гязгальскім, у час жа ягоных пакутаў за веру
Хрыстову гэта вёска знаходзілася на тэрыторыі Заходняй Беларусі, якая была далучаная
да Савецкага Саюзу толькі ў 1939 г. і не пацярпела такіх масавых вынішчэнняў рэлігіі,
якія давялося пабачыць Беларускай Савецкай Сацыялістычнай Рэспубліцы ў 1930-я гг.
Нядаўна у храме ў гонар гэтага святога (храм знаходзіцца на тэрыторыі папраўчай
калоніі-пасялення вёскі Гезгалы Дзятлаўскага раёну Гродзенскай вобл.) пачнецца Боская
літургія, якую ўзначаліць архіеп. Навагрудскі і Лідскі Гурый. А 13.00 адбудзецца Хрэсны
ход з іконай святога ад крыжа, што знаходзіцца побач з дзіцячам лагерам "Ластаўка"
да дому, дзе нарадзіўся і жыў пакутнік Уладзімір. Там адбудзецца малебен святому і
асвячэнне памятнага знаку.