Në Afganistan një kamikazë vrau pesë fëmijë e dy ushtarë gjermanë
(20.10.2008 RV)Në Afganistan nga një atentat vetëvrasës, kamikazë që
shpërtheu në Kunduz me autobus kundër një patrulle të Forcave Ndërkombëtare të Asistencës
për Sigurinë në këtë vend, vrau pesë fëmijë e dy ushtarë gjermanë. Objektiv i atentatit
të sotëm ishte një patrullë ushtarake e NATO-s. Ndërsa në Kabul sot u vra një
bashkëpunëtore humanitare e një organizate joqeveritare e jofitimprurëse.
Forcat
afgane e trupat e udhëhequra nga NATO-ja kanë vra 34 kryengritës talebanë në
luftimet dy ditore në provincën e Helmandit, në jug të Vendit. Përleshjet nisën pasi
trupat ndërkombëtare u bënë cak i sulmeve të militantëve. Nuk ka pasur viktima në
mesin e forcave të NATO-s.
Dy civilë irakianë janë vra e shtatë të
tjerë janë plagosur sot paradite nga shpërthimi i bombe në Baghdad. Bomba ka shpërthye
gjatë kalimit të një auto civile në zonën e Fidaxhlila-së.
20 tetori është
Dita Botërore e Osteoporozës dhe ka si qëllim mobilizimin e opinionit publik për
të sjellë ndryshimin në politiken e shëndetësisë në lidhje me këtë sëmundje. Osteoporoza
është një sëmundje e rëndë që prek kockat. Shumica e të prekurve janë mosha të mëdha.
Sëmundja zhvillohet kur kocka humb masën e saj dhe behët poroze dhe për rrjedhojë,
me e dobët dhe më pak rezistente ndaj traumave, si edhe për shumë sëmundje të tjera
të rënda. Parandalimi është fjala kyç në mbajtjen larg të kësaj sëmundjeje shqetësuese
dhe mjaft të rëndë për trupin e njeriut.
Presidenti i Kosovës Fatmir Sejdiu
deklaroi sot se Beogradi asnjëherë nuk mund të vendosë për Kosovën ose për vendosjen
e EULEX-it, i cili patjetër shumë shpejt duhet të shtrihet në tërë territorin e Vendit.