7 vjet më parë vdiste motra engjëllore, Luçia Laca
(19.10.2008 RV)Më 19 tetor 2001, në shtëpinë e përgjithshme të Motrave Engjëllore
në Romë, kreu shtegtimin e saj të gjatë e të shqetësuar mbi tokë, motra Luçie Laca.
Pas salikimeve, kremtuar të shtunën, më 20 tetor 2001, në Kishën e motrave engjëllore,
u varros në varrezën romake të "Prima Porta". Luçia, motra e parë engjëllore
shqiptare, zëri i parë femëror në historinë e programit shqip të Radio Vatikanit,
lindi në Shkodër më 11 maj 1918 prej prindërve Rrok e Roza Laca, besimtarë të devoçëm
katolikë, të lidhur ngusht me Kishën. Shtëpia ku lindi e u rrit sot është kthyer në
një qendër të lulëzuar të Kongregatës së Motrave Engjëllore, të cilat tashmë kanë
hapur edhe Konviktin e parë për vajzat universitare, duke zgjëruar kështu fushën e
veprimtarisë misionare. E ky është kujtim i gjallë e i përhershëm për motrën Luçie.