Së shpejti do të shpallen të Lum prindërit e Shën Terezës së Krishtit Fëmijë.
(17.10.2008 RV)Kisha, posaçërisht ajo në Francë, përgatitet të jetojë një ngjarje
të madhe feje, Lumnimin e Ludovik Martë e Maria Zelia Guérë-Martë, prindërit e Shën
Terezës së Krishtit Fëmijë. Kremtimi do të mbahet të dielën e ardhshme, në bazilikën
e Lisië. Formulën e lumnimit do ta shqiptojë kardinali Zhozé Saraiva Martins, Prefekt
nderi i Kongregatës për Çështjet e Shenjtorëve. Kujtojmë se jeta e prindërve të
Shën Terezës qe model i shenjtërisë së përditshme, shembull i vërtetë i ‘kishës shtëpijake’.
Ipeshkvi i Bajë e Lisië, imzot Pierre Pican, që do të kryesojë Meshën,
na shpjegon si po përgatitet Kisha vendase për këtë ngjarje:
Përgjigje:
- Il y a una préparation - disons - un peux spirituelle: depuis déjà des mois… Përgatitja
është më shumë e tipit shpirtëror e vijon prej disa muajsh. Ne kemi gëzimin e hirin
e pranisë së shtatë manastireve në dioqezin tonë, e të gjitha murgeshat po luten për
tre ndjetet themelore të Luigjit e Zelisë: për familjen, për lindjen e thirrjeve meshtarake
e rregulltare në gjirin e saj e për përballimin e vuajtjeve, të provave të rënda,
që nuk mungojnë kurrë në jetë e të cilat nuk mund të mos pranohen. Prandaj duhen përballuar
me shpirtin e flijimit për çështje të cilat ia vlejnë me të vërtetë. E këtë e shikojmë
çdo ditë ndër manastiret, ku ecet në një rrugë mahnitëse e ku vendin kryesor e zënë
lutja e adhurimi. Na kënaq pa masë kjo që shikojmë: ne i ftuam të gjithë të përgatiten
për këtë ngjarje të madhe, e përgjigja ishte vërtetë domethënëse.