Të dielën në Sheshin e Shën Pjetrit, Papa do të shpallë katër Shenjtorë të rinj.
(10.10.2008 RV)Atmosferë pritjeje
në Vatikan e në mbarë Kishën, për Meshën solemne me ritin e kanonizimit, që do të
kremtohet të dielën e ardhshme në Sheshin e Shën Pjetrit. Gjatë Meshës, Benedikti
XVI do të shpallë katër shenjtorë të rinj, ndërmjet të cilëve, Shenjtorja e parë indiane:
Alfonsa e Zojës së Papërlyer (në shekull, Anna Muttathupadathu), rregulltare e Kongregatës
së Klariseve të Urdhërit të Tretë të Shën Françeskut.
Të tjetrët janë:
prifti
italian Gaetano Erriko, themelues i Misionarëve të Zemrës së Krishtit e të
Zojës së Bekuar;
Maria Bernarda Bytler, virgjër, themeluese e Kongregatës
së Motrave Françeskane Misionare të Zojës Ndihmëtare;
Narçiza e Jezusit
Martilo Moràn, laike ekuadoriane.
Tri të fundit, ndonëse jetuan në kohë
të ndryshme, i bashkon veprimtaria ungjillëzuese në të njëjtat troje: në Ekuador.