(08.10.2008 RV)Martiriologu Romak kujton katër shenjtore me këtë emër, ndërmjet
të cilave, martirja që kremton sot Kisha katolike. Pelageja ishte një vajzë e re
nga Antiokia, që u martirizua për Krishtin gjatë persekutimit të Dioklecianit. Ishte
vetëm 15 vjeçe, kur e dëshmoi një mënyrë krejt të jashtzakonshme besimin e vet. Ushtarëve,
që shkuan në shtëpinë e saj për ta marrë e për ta nxjerrë para gjykatës, e cila sigurisht
do ta dënonte, sepse e krishterë, Pelageja u kërkoi leje të ndërronte rrobat. Si iu
dha leja, u ngjit në katin e epërm të shtëpisë dhe, duke e ditur mirë ç’e priste
trupin e saj mrekullisht të bukur, u hodh nga dritarja. Deshi kështu të dilte pa asnjë
njollë para Dhëndrrit Hyjnor.