(07.10.2008 RV)Një kryq e shumë rruaza
të zeza, më rrëshqasin nëpër gishta. I ledhatoj një nga një, e zemra shkrihet
në lutje. Një kryq e shumë kokërrza të zeza, flasin për jetën e Nënës, e
atë të Birit të saj Hyjnor, bërë gur në dhimbje, bërë një në dashuri. Një
kryq e shumë rruaza, që i dua pranë në orën e fundit, në gishtat e ngrirë, se
dua pas vdekjes të gjej përsëri jetën. Një kryq e ca rruaza lidhen gërshetë
me gishtat e mi: e lutem për jetën lutem për njerëzit për paqen, e lutem
për lumturinë e të gjithëve. Çdo rruazë – një dëshirë Një urim – çdo rruazë. Ndjesitë
e mia rrëshqasin nëpër kokrrizat E unë e ndjej si lartohem atje ku rri Zoja,atje
ku më flet Zoti!