Найвышэйшы суд Расеі прыняў рашэньне аб рэабілітацыі цара Мікалая ІІ і чальцоў яго
сям’і. Гэтым самым заканчваюцца захады сям’і Раманавых рэабілітаваць апошняга расейскага
цара. Суд прызнаў, што цар, яго жонка й пацёра дзяцей былі беспадстаўна рэпрэсаваныя
й належыць ім права на рэабілітацыю. Раней адмову рэабілітацыі аргумэнтавалі адсутнасьцю
афіцыйнага сьмяротнага прыгавору на царскую сям’ю. Апошні цар Расеі быў разам
зь сям’ёю расстраляны бальшавікамі падчас Кастрычніцкай рэвалюцыі ў 1918 годзе ў Екацерынбургу
й пахаваны ў невядомым месцы. У 1991 годзе астанкі царскай сям’і былі адшуканыя. 10
гадоў таму яны былі перапахаваныя ў саборы Пятра й Паўла ў Санкт-Пецярбургу.