Пленарная сэсія Рады Біскурскіх Канфэрэнцый Эўропы ў Венгрыі
30 верасня 2008 г. у Эстэргоме (Венгрыя) адбылося адкрыццё Пленарнай сесіі Рады Біскупскіх
Канферэнцый Еўропы, якая будзе працягвацца да 3 кастрычніка. У пасяджэнні еўрапейскіх
біскупаў прымае ўдзел Мітрапаліт Мінска-Магілёўскі арцыбіскуп Тадэвуш Кандрусевіч,
які прадстаўляе Канферэнцыю Каталіцкіх Біскупаў у Беларусі.
«Як мага лепш
выкарыстоўвайце магчымасці, якія маеце ў сваім распараджэнні, каб сеяць слова Божае
сярод народаў вашых краінаў», — з такім заклікам звярнуўся Святы Айцец Бэнэдыкт ХVI
да ўдзельнікаў пасяджэння.
«„Сучасныя арэапагі“ заслугоўваюць асаблівай
увагі з боку пастыраў Касцёла», — адзначана ў лісце Бэнэдыкта XVI, адрасаванага кардыналу
Пэтэру Эрдзё, арцыбіскупу Эстэргомска-Будапешцкаму і старшыні Рады Біскупскіх Канферэнцый
Еўропы. У сваім лісце Пантыфік таксама выказвае надзею і моліцца аб тым, каб прадстаўнікі
сродкаў масавай камунікацыі адносіліся «з яшчэ большай павагай да праўдзівасці інфармацыі
і да годнасці чалавечай асобы, (...) каб іх пасланне магло рэальна садзейнічаць стварэнню
Валадарства Божага на зямлі».