Papa ipeshkvijve të rinj: mos kini frikë e ndiqni Shën Palin Apostull

(20.09.2008 RV)Sot, Ati i Shenjtë priti ipeshkvijtë e sapoemëruar, të cilët po ndjekin një kurs pranë Kongregatës për Ungjillëzimin e Popujve. Papa u dha atyre si shembull për t’u ndjekur Shën Palin, Apostullin e Popujve e u kujtoi vështirësitë, që iu desh të kapërcente shenjtit para një bote, që ashtu si sot, ishte shpesh e shurdhër ndaj mesazhit të Jezu Krishtit. “Mos kini frikë – u tha ipeshkvijve Benedikti XVI – mos u shkurajoni për të gjitha këto vështirësi, shpesh edhe të rënda, por frymëzohuni nga Shën Pali, të cilit iu desh të vuante shumë për të njëjtat gjëra”.