Падарожжа Папы Бэнэдыкта 16 ўнесла новы дынамізм у жыцьцё Касьцёла ў Францыі
На думку старшыні Канферэнцыі Каталіцкіх Біскупаў Францыі кардынала Андрэ Вэн-Труа
падарожжа Бэнэдыкта XVI у Парыж унесла ў жыццё Касцёла ў Францыі новы дынамізм. Па
словах Мітрапаліта Парыжскага Святы Айцец перадаў Францыі і французскім католікам
моцнае пасланне супакою, даверу і прыязнасці.
«Цешымся, што маглі перажыць
з ім гэтыя дні і атрымаць ад яго падтрымку ў справе нашых душпастырскіх і апостальскіх
ініцыятываў», — адзначыў кардынал Андрэ Вэн-Труа.
Мітрапаліт нагадаў, што
падчас сустрэчы з епіскапатам Бэнэдыкт XVI разважаў над шэрагам праблемаў, якія вельмі
хвалююць біскупаў Францыі. Пантыфік закрануў пытанні, якія датычаць сем’яў, моладзі,
паклікання да святарскага і манаскага жыцця, а таксама міжрэлігійных адносінаў і экуменізму.