У беларускім інтэрнэце зьявіўся новы й дужа цікавы сайт www.mir.pravo.by
– Дзіцячы прававы сайт, які прызначаны для дзетак ад 6 да 16 гадоў. Сайт пабудаваны
ў гульнёвай форме. Зарэгістраваўшыся, дзіця патрапляе на маляўнічую мапу, дзе ёсьць
некалькі аб’ектаў: “Дом”, “Школа”, “Крама”, “Лаўка”, “Парк”, “Вуліца”, “Гульнёвая
пляцоўка”. На кожным з аб’ектаў дзіцёнка вучаць адпаведнай прававой інфармацыі. На
“вуліцы” інспэктар ДАІ распавядае, як слушна паводзіць сябе на дарозе. У “Школе” настаўніца
прапануе розныя тэсты па правах дзіцяці ды Канстытуцыі. У краме прадавачка Цёця Клава
запрашае азнаёміцца з куточкам спажыўца. У “парку” ды на “лаўцы” перад дзіцёнкам ставяцца
задачы маральнага выбару: ці дапамагчы сябру ў бядзе, што рабіць, калі дарослыя хлопчыкі
забралі мабільнік, ці трэба ў жыцьці хлусіць. За ўсе сытуацыі гулец атрымлівае балы
ды патрапляе ў агульны рэйтынг сайту. Распацаваны сайт Нацыянальным цэнтрам прававой
інфармацыі на замову Адміністрацыі прэзыдэнта. Гэта здорава адчуваецца! У разьдзеле
пра дзяржаўныя сымбалі дзіця знаходзіць відэа, на якім цёцечка за кадрам кажа: “Гэта
наш герб. Праўда, прыгожы?”. А яшчэ распавядае пра тое, што чырвоная зорка не гербе
– даўні сымбаль чалавека. У школе гульцу тлумачыцца, на колькі гадоў абіраецца прэзыдэнт
і колькі артыкулаў у Канстытуцыі. Апроч гэтага, сайт мае шыкоўную віртуальную галерэю
беларускага мастацтва, агульныя зьвесткі пра краіну. Нягледзячы на кароткі тэрмін
існаваньня праекту, на ім зарэгістравалася ўжо больш за 400 дзяцей.