На вонкі Катэдры Нотр-Дам у набажэнстве прыймалі ўдзел тысячы маладых людзей, якія
ўсю ноч правялі на малітоўным чуваньні, каб у суботу 13-га верасьня прыняць ўдзел
ў Сьвятой Імшы, якую Папа адслужыў на Плошчы Інвалідаў у Парыжы. “Дух Сьвяты
і крыж гэта скарбы, якія вам перадаю. Ніколі пра іх не забывайце”- сказаў Сьвяцейшы
Айцец да францзскае моладзі. Пасьля Вячэрні радасна віталі Папу тысячы маладых людзей.
Сьвяцейшы Айцец падзякаваў за гэты энтузыязм. У сваім разважаньні
да моладзі спаслаўся да імкненьняў кожнага маладога чалавека, да жаданае імі любові
і праўды. Адказам на жаданьне праўды ёсьць мудрасьць, якая абьявілася ў крыжы Хрыста.
“Многія з вас носіць на шыі ланцужок з крыжыкам- сказаў Сьвяцейшы Айцец- Я таксама
яго нашу, як і ўсе біскупы. Гэта каштоўны сімвал веры, бачны і матарыяльны знак абьяднаньня
з Хрыстом”. Папа прыпомніў, што для хрысьціян крыж ёсьць сімвалям мудрасьці Бога
і Яго бязмежнае любові. “Ведаю- зноў сказаў Бэнэдыкт 16- што аддаваньне пашаны крыжу
падвяргае часам на насьмешкі, а нават на перасьледаваньні. Крыж у пэўным сэнсе выстаўляе
чалавека на небясьпеку. Аднак таксама ўзмацоўвае ласку Божую ды пацьвярджае нашае
збаўленьне. “Сёньня вечарам даручаю вам крыж Хрыста- сказаў Папа да французскае моладзі.
Развітваючыся з моладдзю запэўніў іх, што сам Дух Сьвяты дасьць сілу іхняму сьведчаньню,
калі сваім прыяцелям будуць расказваць аб Хрысьце.