Чарговым пуктам праграмы візыту, ў пятніцу 12-га верасьня, была Вячэрня адслужана
ў Катэдры Нотр Дам з удзелам духавенства, законніц ды сэмінарыстаў. Сярод прысутных
былі прадстаўнікі іншых хрысьціянскіх Цэркваў і супольнасьцей. Пунктам выхаду разважаньня
Сьвяцейшага Айца была самая Катэдра Нотр-Дам: знак прысутнасьці Бога сярод людзей.
Папа прыпомніў, што згодна з навучаньнем Айцоў Царквы сьвятыня гэта канкрэтны знак
нябеснага Ерусаліму, а адпраўляная ў ёй Літургія ўключае нас ў Нябесную Літургію. Затым
Сьвяцейшы Айцец перайшоў да разважаньня над самым Касьцёлам, якога сапраўдным будаўнічым
ёсьць Ісус Хрыстос ды Ягонае Слова. Адсюль вельмі важным ёсьць , каб у Касьцёле давана
належную ўвагу слуханьню і абвяшчаньню Слова Божага. Папа падкрэсьліў, што нашае
дзеяньне ў служэньні Слову Божаму ёсьць чымсьці цудоўным. Становіць прыладу Духа.
Бог у сваёй пакоры паслугоўваецца намі, каб пашыраць сваё Слова. Бэнэдыкт 16 ўказаў
затым на значэньне Слова Божага ў жыцьці сьвятароў, сэмінарыстаў і пасьвячаных асоб.
“Вам Слова Божае ёсьць даручанае як каштоўнае дабро- зьвярнуўся Папа да сэмінарыстаў-
зьберагайце Яго, якое чыніць тое, што гаворыць Бог. Затым прыпомніў, што законнікі,
законніцы і ўсе пасьвячаныя асобы ў асаблівы спосаб жывуць Божаю Мудрасьцю, якая выказана
ў Яго Слове: “Вашым адзінным багацьцем, якое пераможа вякі і заслону сьмерці, ёсьць
Слова Госпада”- падкрэсьліў Бэнэдыкт 16.