"Каўчэг 2008" - так называецца міжнародны семінар УГКЦ. У Трэці раз ён прайшоў у Львове
ва Святаўспенскай Унеўскай лаўры. Дні нацыянальнай культуры польскага, украінскага
і яўрэйскага народаў прывабілі шмат моладзі.
Узаемапаразуменне і ўзаемапранікненне ўкраінскай,яўрэйскай і польскай культур сталіся
ў цэнтры вывучэнне і пошуку узаемапавагі падчас семінару. Выбітныя навукоўцы кожнай
нацыянальнай групы расказалі студэнтам пра складаныя моманты ў гісторыі трох народаў,
калі стасункі палякаў, яўрэяў і ўкраінцаў даводзіліся да драматычных сітуацый. Як
сказаў прафесар Уладзіслаў Філар з Варшавы, перафразаваўшы Тараса Шаўчэнку "трэба,
каб дзеці ведалі, што іхныя бацькі і дзяды памыляліся" Краналіся балючыя пытанні,
каб абмеркаваць і вытлумачыць гэтыя памылкі і каб яны больш ніколі не былі паўтараныя.У
Львове напрыканцы семінара адбылася Прэсканфярэнцыя ў яўрэйскім культурным цэнтры
"Хасед Ар'е". Арганізатары семінару - Усеўкраінскі цэнтр вывучэння галакосту "Тхума",
Федэрацыя польскіх арганізацый Украіны і Украінскі каталіцкі універсітэт - зазначылі,
што моладзь можа вучыць старэйшых талерантнасці. Актыўная падтрымка была дадзена
ад Генконсульства Рэспублікі Польшча ў Львове.