Kard. Martino mbyll në Fatima Kongresin e baritorisë sociale
(12.9.2008 RV)Jeta, liria fetare, paqja, të drejtat njerëzore. Këto janë fushat
me përparësi sot të veprimit baritor të Kishës, sipas Kardinal Martinos, i cili pasdite
mbylli në Fatima, Portugali, kongresin e parë të baritorisë shoqërore me temën: “Veprimi
shoqëror sot: kujtesë dhe projekt.”
“Në rastet kur janë në lojë parimet
themelore të dinjitetit njerëzor dhe të vërtetat morale të besimit, bashkësitë e krishtera
mund e duhet të mbajnë qëndrim dënues, me kujdes kur gjykojnë raste dhe situata shpesh
të ndërlikuara dhe të shmangin mendjelehtësinë dhe skemat e gatshme.” Këtë pohoi kryetari
i Këshillit Papnor për Drejtësi e Paqe, kardinali Renato Rafaele Martino, duke përfunduar
në pasditen e djeshme në Fatima, në Portugali, Kongresin e Parë të baritorisë shoqërore
promovuar nga Komisioni i ipeshkëvijve portogezë, organizëm që sipas kardinalit tregon
“prirjen e fortë të Kishës vendore për t’u impenjuar për një shoqëri integrale dhe
shoqërore.”
Duke i thjeshtësuar rastet e mësipërme në të cilat janë në
lojë sot dinjitetit njerëzor dhe të vërtetat morale themelore, kardinali Martino përmendi
abortin, eutanazinë dhunën veçanërisht mbi fëmijët, torturën, shfrytëzimin e pamëshirshëm
të njeriut nga njeriu apo kur vihet në dyshim integriteti i familjes, i lirisë fetare,
i lirisë së shkollimit.
Përpara një auditoriumi plot me ekspertë dhe personalitete
kushtuar baritorisë shoqërore, kryetari këshillit Papnor për Drejtësi e Paqe, në
përfundim të kongresit që zgjati katër ditë në qytetin portugez – ndau veçmas pastaj
disa fusha parësore të impenjimit baritor në shoqëri nën dritën e kërkesave ungjilltare,
të magjisterit shoqëror aktual dhe të nevojave të njerëzimit sot.