На патрэбу ажыўленьня місійнага духа ў французскім Касьцёле ўказаў Гэнэральны Сакратар
тамашняга Эпіскапату. У інтэрв”ю для Ватыканскага Радыё сказаў, што візыт Бэнэдыкта
16-га дазволіць паказаць французам сапраўднае аблічча тамашняга каталіцызму. “Французскі
Касьцёл чакае, што Папа дапаможа яму быць больш прысутным у грамадзтве і ўзмацуе ў
ім місійнае стаўленьне- сказаў айцец Оруар- сёньня хрысьціянства не ёсьць ўжо пунктам
аднясеньня для ўсіх жыхароў Францыі, хаця многія надалей прызнаюць сябе хрысьціянамі.
Трэба затым паказаць, што вера хрысьціянская ёсьць пазітыўнаю прапановаю і можа дапамагчы
людзям адшукаць сэнс жыцьця, знайсьці дарогу да шчасьця. Францыя чакае на Папу Рымскага,
каб зазнаць эвангэльскае радасьці быць зграмаджаным навокал Пятра, вакол Хрыста- завершыў
сваё інтэрв”ю для Ватыканскага Радыё айцец Оруар.
А сам Папа Бэнэдыкт 16
на заканчэньне Агульнае Аўдыенцыі ў сераду 10-га верасьня накіраваў спэцыяльнае пасланьне
да францызаў. Прыпомніў ў ім свае кантакты з Францыяю ды даручыў Марыі сваё паломніцтва Прыбываю да вас
як пасланец міру і братэрства. Ваша краіна мне ведамая. Шмат разоў і з вялікаю радасьцю
я змог яе адведаць і пазнаць яе цудоўную традыцыю гасьціннасьці і талерантнасьці а
таксама салідарнасьці яе хрысьціянскае веры, высокую гуманную і духоўную культуру.
Гэтым разам нагодаю майго візыту будуць сьвяткаваньні 150-й гадавіны абьяўленьняў
Найсьвяцейшай Дзевы Марыі з Люрд. Прыпомнім, што Апостальскае Падарожжа пачнецца
ў пятніцу 12-га верасьня. Папа адведае Парыж і Люрд. У Францыі будзе чатыры дні.