Сустрэча з духавенствам, сэмінарыстамі ды супольнасьцю Папскага Тэалагічнага Факультэта
Пасьля абеду Папа сустрэўся ў Саборы гораду з духавенствам, сэмінарыстамі і супольнасьцю
Папскага Тэалагічнага Факультэта. У сваёй прамове да іх Сьвяцейшы Айцец падкрэсьліў,
што Сардэнія мела многа сьвятароў, якія як сапраўдныя настаўнікі веры пакінулі па
сабе цудоўныя прыклады вернасьці Хрысту і Касьцёлу. Гэтая спадчына даручана цяпер
сучасным сьвятарам, якія працуюць на гэтым востраве ды тым, якія да сьвятарства падрыхтоўваюцца. Выхавацеляў
і выкладчыкаў у Духоўных Сэмінарыях Папа заахвоціў, каб апрача перадаваньня ведаў
вялі алюмнаў да асабістага дасьведчаньня Бога цераз супольную і асабіскую малітву
ды Эўхарыстыю. Сэмінарыстам прыпомніў, што маюць быць сьведкамі Божае ласкі і Яго
любові. Ёсьць важным, каб апрача навукі і душпастырскіх практык, на першым месцы
яны ставілі цесную сувязь з Хрыстом. У гэтым менавіта- прыпомніў Бэнэдыкт 16- заключаецца
сакрэт апостальскага посьпеху. На заканчэньне Папа падзякаваў сьвятарам, законнікам
ды законніцам за ахвярную працу, таму што “без хрысьціянства- як заўважыў- Сардэнія
была б проста слабою і ўбогаю”.