Агульная аўдыенцыя Сьвяцейшага Айца ў сераду 3-га верасьня

Адбылася яна ў зале імя Папы Паўла 6-а. Папа Бэнэдыкт 16 прыбыў на яе са сваей летняй рэзыдэнцыі у Кастэльгандольфо. Прыбыло на аўдыенцыю многа вернікаў і паломнікаў з кожнага кутку сьвету.
Працягваючы цыкл папярэдніх катахэзаў, якія прысьвечаныя постаці Сьвятога Паўла, Сьвяцейшы Айцец затрымаўся сёньня над здарэньнем, якое мела месца ў брам Дамаску. Паўлу, які перасьледаваў хрысьціян, зьявіўся Увасрослы Хрыстос. Быў гэта пераломны мамэнт у жыцьці будучага Апостала. Мы прывыклі гаварыць аб наверненьні Паўла але ён сам бачыў гэты факт інакш.

У сваіх Пасланьнях Ён не піша аб наверненьні але аб пакліканьні, якое стае фундамантам яго апостальства. Больш таго Павал бачыць гэтую сустрэчу і сваю духоўную перамену як ажыцьцяўленьне сваёй рэлігійнасьці, якая абапёртая на традыцыі Старога Запавету і адшуканьне ўласнае тоеснасьці ў хрысьціянстве. Як сам прызнае ягоная вера патрабавала дапаўненьня, якое ажыцьцяўлялася дзякуючы ласцы Ісуса. Асабістая сустрэча са Збавіцелем- сказаў на заканчэньне сваёй катахэзы Бэнэдыкт 16- была ласкаю, якую Павал занясе сьвету.
На заканчэньне аўдыенцыі Папа прывітаў ўсіх вернікаў асабліва хворых, моладзь ды новыя шлюбныя пары надзяляючы на ўсіх сваё Апостальскае Блаславенства.