31 жніўня 2008 г. у мінскай парафіі Маці Божай Ружанцовай (Лошыца) Мітрапаліт Мінска-Магілёўскі
арцыбіскуп Тадэвуш Кандрусевіч цэлебраваў урачыстую святую Імшу з нагоды асвячэння
крыжа, устаноўленага на тым месцы, дзе будзе пабудаваны касцёл.
У сваёй
гаміліі арцыбіскуп Тадэвуш, спасылаючыся на словы з нядзельнага Евангелля, заклікаў
прысутных адрачыся ад сябе, ад сваіх грахоў і дрэнных звычак, дзеля таго, каб быць
збаўленымі і дасягнуць шчасця вечнага. «Патрэбны слёзы навяртання, каб потым наступіла
радасць паяднання з Богам і бліжнімі», — падкрэсліў Мітрапаліт.